Para pak çastesh është arrestuar deputeti i Kuvendit të Kosovës nga radhët e Nismës për Kosovën, Haxhi Shala.
Policia e Kosovës e ka arrestuar deputetin Shala, pasi dyshohet se ky sot në fillim të seancës plenare e ka hedhur në Kuvendin e Kosovës bombolën e gazit lotsjellës.
Lajmin e ka bërë publik, me një postim në Facebook, Nisma për Kosovën.
“Njoftojmë opinionin publik se Policia e Kosovës ka ndaluar brenda ndërtesës së Parlamentit dhe ka shoqëruar për në stacionin policor deputetin Haxhi Shala”.
“Nisma për Kosovën kërkon lirimin e menjëhershëm të deputetit Haxhi Shala dhe të gjithë deputetëve të tjerë”, thuhet në njoftimin e Nismës për Kosovën.