Veprimtari i çështjes kombëtare, Adem Demaçi, i shtrirë për mjekim në Qendrën Klinike Universitare, është vizituar nga deputeti i PDK-së, ish-komandanti i Shtabit të Përgjithshëm të UÇK-së, Azem Syla. Nga fotot shihet se Demaçi e Syla ndajnë një miqësi të fortë mes tyre.
Këto foto janë postuar në rrjetin social Facebook, nga miku, bashkëveprimtari dhe bashkëluftëtari i deputetit Syla, Hamzë Morina.
Ky i fundit në komentin bashkangjitur fotografive të postuara ka shkruar: “Dy personalitetet më të ndritura të kohës sonë të çështjes kombëtare, ish-komandanti i përgjithshëm i UÇK-së Azem Rizah Syla në vizitë në QKUK simbolit te rezistencës z. ADEM Demaçit”. /lajmi.net/