16.8 C
Prizren
E enjte, 28 Mars, 2024

Blic: Ky është prizrenasi që rekruton xhihadistë për ISIS-in në Serbi

Sipas kësaj të përditshme beogradase, duke u mbështetur në të dhënat më reja të shërbimeve serbe të sigurisë, lidhur me organizimin e territorit të ISIS-it, profesori i të drejtës së sheriatit Idriz Bilibani, i njohur me nofkën Sheik, bashkë me Denis Haxhiqin nga Novi Pazari ka shfrytëzuar hapësirën e lutjeve, në xhaminë “Frukan” në Novi Pazar për shpërndarjen e Islamit Radikal.

Ata siç raportohet kanë bërë thirrje për xhihad, luftën e botës, dhe kanë ftuar njerëzit të lidhen me luftën e Sirisë kundër fuqive të presidentit legal Bashar Al Asad.

Xhamia “Furkan” në Novi Pazar nuk është qendër rekrutuese për luftën e Sirisë, por është vendi në të cilën mund të bëhet lidhja me personat të cilët luftojnë në anën e ISIS-it. Në këtë lokal asnjëherë nuk janë gjetur armë, por ai shërben për përhapjen e Islamit Radikal. Sigurisht se të gjithë të cilët kanë shkuar nga Serbia për të luftuar në Siri, kanë qenë në Furkan, ka thënë një burim nga shërbimi i sigurimit, i cili e njeh këtë çështje.

Bilibani në shtator të vitit të kaluar ishte arrestuar në Kosovë, dhe më pas ishte liruar pas një muaji, ndërsa që nga 16 tetori gjendej në burg shtëpiak. Në profilin e tij në Facebook të cilën e ndjekin rreth 3 mijë e 400 njerëz, Bilibani është qasur për herë të fundit më 15 dhjetor të vitit të kaluar.

Sipas të dhënave të shërbimit serb të sigurisë, rreth 20 qytetarë të Serbisë kanë shkuar për të luftuar në krah të ISIS-it në Siri. Disa nga ta me vete kanë marrë edhe familjet e tyre.

Në ISIS ekziston e ashtuquajtura Brigada Ballkanike e cila lufton në Siri dhe Irak, në të cilën gjinden të gjithë qytetarët serbë që kanë shkuar në xhihad, shkruan e përditshmja serbe “Blic”.

Ka raste të disa qytetarëve nga Sanxhaku të cilët fillimisht kishin shitur shtëpitë e tyre, dhe më pastaj kanë marrë kredi në bankë dhe kanë shkuar në Siri për të luftuar.

Familjen e lënë në Siri, ndërsa meshkujt shkojnë për të luftuar deri në gjashtë muaj.

Të gjithë kanë shkuar individualisht, pa ndonjë udhëtim grupor, por saktësisht kanë ditur ku të shkojnë: Nëpërmjet Turqisë deri në kufirin e Sirisë, ndërsa në qytetin Kilis i priste pranuesi. /lajmi.net/

Më Shumë

Lajmet e Fundit