Kryetari i Prizrenit, Mytaher Haskuka është “bombraduar” nga opozita.
Kuvendarët e PDK-së, kanë akuzuar Haskukën se për 100 ditë të qeverisjes nuk ka realizuar asnjë premtim.
Shefi i grupit të këshilltarëve të PDK-së Simir Krasniq, ka kërkuar nga Haskuka që të mbajë premtimin e VV-së për prishjen e rrethojës së Shtëpisë së Bardhë në Prizren.
“ Kur keni qenë në opozitë keni thënë se do ta prishni rrethojen e Shtëpisë së Bardhë, pse tash nuk po e prishni?”, ka pyetur Krasniqi.
Kuvendari Sulltan Badallaj(PDK), ka kërkuar ndërkaq që të mbahet premtimi për rrënimin e Shtëpisë së Kultursë në Zhurë.
“Rrënoni dhe ndërtoni një tjetër”, tha Badallaj.
Haskuka është kritikuar edhe nga kuvendarët e tjerë të opozitës në Prizren. Ata kanë kërkuar që t’i mbajë premtimet e dhëna në fushatën zgjedhore./PrizrenPress.com/