Kryetari i Prizrenit, Mytaher Haskuka dhe ai i Tiranës, Erion Veliaj, janë dakorduar për bashkëpunim të ndërsjellë.
Haskuka tregon se me Veliajn ka biseduar për bashkëpunim të ngushtë në projektet inovative, në këmbimin kulturor dhe për zhvillimin e turizmit.
Postimi në Facebook
Javën e kaluar isha mysafir te Erion Veliaj, bashkiaku ndryshimtar i Tiranës. Biseduam për transformimin e hapësirave publike, shërbimet efikase për qytetarë dhe këmbimet kulturore mes kryeqytetit aktual Shqiptar dhe atij historik.
Ekipet tona u dakorduan për bashkëpunim të ngushtë në projekte inovative, në këmbimin kulturor dhe për zhvillimin e turizmit. Erionin e ftova që vizitën e ardhshme të bëjë në Prizren.