21.8 C
Prizren
E premte, 29 Mars, 2024

Dështon zgjedhja e kryesuesit të Kuvendit të Rahovecit

Anëtarët e Kuvendit të Komunë së Rahovecit të premten nuk e kanë zgjedhur kryesuesin e këtij organi. Raundi i parë për zgjedhjen e kryesuesit është zhvilluar në mënyrë të rregullt, ndërkohë që raundi i dytë nuk është mbajtur për shkak të mungesës së kuorumit, pasi që në sallë nuk kanë qenë të pranishëm këshilltarët e PDK-së dhe ata të LDK-së, shkruan sot Koha Ditore.

Zyra e informimit e Komunës së Rahovecit ka njoftuar: “Kuvendi i Komunës së Rahovecit në mbledhjen e mbajtur të premten, nuk e ka zgjedhur kryesuesin e Kuvendit të Komunës së Rahovecit, për shkak të mungesës së kuorumit në raundin e dytë të votimit”.

Sipas këtij njoftimi në garë për pozitën e kryesuesit të Kuvendit në raundin e parë kanë qenë Sali Sallteku nga PDK-ja, Afrim Dina nga AAK-ja dhe Fehmi Cena nga LDK-ja. Në këtë komunikatë sqarohet se pas votimit të fshehtë në raundin e parë, nga 10 vota kanë marrë Sali Sallteku (PDK) dhe Afrim Dina (AAK), kurse Fehmi Cena i LDK-së i ka marrë 7 vota, derisa këshilltarët nga LVV-ja edhe pse kanë qenë të pranishëm në seancë, nuk kanë marrë pjesë në votim..

Më Shumë

U raportua për disa deponi ilegale të mbeturinave, Komuna e Suharekës bën rregullimin e tyre

Ditë më parë qytetarët e Komunës së Suharekës kishin dërguar në “Ndreqe.com” gjashtë ankesa për deponi ilegale të mbeturinave. Sipas një postimi në rrjetin social...

Një person arrestohet në Prizren pas sulmit fizik ndaj bashkëjetueses

Një person është arrestuar në Prizren. Ai dyshohet se pas një mosmarrëveshje ka sulmuar fizikisht  femrën me të cilën bashkëjeton. “Viktima ka pësuar lëndime trupore, ndërsa...

Lajmet e Fundit