Asambleistja e LDK-së, Kimete Hoxha nuk ka seancë të Asamblesë Komunale që nuk bënë pyetje për drejtorët e Ekzekutivit të Prizrenit.
Ajo kërkon të dijë për shumë çështje të (mos)punës së Ekzekutivit. Përkundër kërkesave, Hoxha nuk ka marrë përgjigje në shumë pyetje nga drejtorët e kryetarit Ramadan Muja.
“Nuk është hera e parë që nuk përgjigjen drejtorët në pyetjet që ka bërë”,tregon ajo.
Kimete Hoxha edhe në mandatin e kaluar ka qenë asambliste e LDK-së në Prizren. Ajo thotë se edhe në mandatin e kaluar drejtorët e Mujës kanë injoruar pyetjet e asamblistëve.
“Si duket edhe këtë mandate drejtorët e Mujës kanë filluar të praktikojnë që të mos përgjigjen në pyetjet e parashtruar”, ankohet Hoxha. Ajo kërkon nga drejtorët e Ekzekutivit që të mos i injorojnë pyetjet që asamblesitët i ngrisin për çështje të caktuara.
“Qytetarët na kanë votuar për t’i mbrojtur interesat e tyre, prandaj edhe pyetjet kanë të bëjnë për çështjet me të cilat ballafaqohen qytetarët”,shprehet ajo. /PrizrenPress.com/