11.8 C
Prizren
E premte, 29 Mars, 2024

Familja e “Drinit” nuk e pranon dekoratën e Hashim Thaçit

Familja e dëshmorit Ekrem Rexha-“Drini”, nuk e pranon dekoratën e Presidentit, Hashim Thaçi.

“Drini” është në mesin e të dekoruarve  nga  presidenti i Kosovës, Hashim Thaçi, në  dhjetëvjetorit të Pavarësisë së Kosovës

Familja e “Drinit” nuk ka pranuar të flasë për dekoratën e Thaçit.

Ata, kanë thënë se qëndrimin e tyre për këtë çështje e kanë publikuar në “Facebook”.

Presidenti i Shqipërisë, Bujar Nishani, në vitin 2015, ka dekoruar dëshmorin e kombit Ekrem Rexha-“Drini” me titullin “Nder i Kombit”.

“Kjo është e vetmja dekoratë e dhënë nga njerëzit e Kombit që e pranojmë, respektojmë dhe dashurojmë”, shkruan në “Facebook” familja e “Drinit”.

Burimet e “PrizrenPress”-it bëjnë të ditur se familja e “Drinit” nuk do të pranojë dekoratën e Thacit, nëse do të marrin ftesë nga Presidenca.

Komandanti i UÇK-së Ekrem Rexha -‘Drini’ u vra para shtëpisë së tij në lagjen “Bazhdarhane” në rrethana misterioze, në mëngjesin e 8 majit të vitit 2000, në kohën kur po punonte si drejtor komunal për Emergjencë. Në momentin kritik ai kishte dalë të ndezte veturën për të shkuar në punë, ndërsa ishte qëlluar me armë automatike, derisa po shikonte gomën e parë të veturës, nga ana e shoferit që ishte shpuar qëllimisht.

Për zbardhjen e vrasjes, nën drejtimin e ndërkombëtarëve në Prizren janë mbajtur dy procese gjyqësore, por në mungesë provash, të akuzuarit, ish-pjesëtarë të UÇK-së, por edhe ish-shokë të “Drinit”, janë liruar./PrizrenPress.com/

Më Shumë

Del në ankand xhaketa ikonike e Michael Jacskonit te “Thriller”

Një prej xhaketave origjinale të Michael Jacksonit që i ka veshur në videoklipin e këngës “Thriller” ka dalë në ankand online. Xhaketa kuq e zi...

Zhduket një e moshuar në Rahovec

Një grua e moshës 86-vjeçare është zhdukur në fshatin Ratkoc të Rahovecit, ndërsa operacioni për kërkimin e saj ka filluar. Shërbimi i Kërkim-Shpëtimit Malor të...

Lajmet e Fundit