Lideri i Nismës, Fatmir LImaj, mendon se skenës poilitike kosovare i ka munguar një kuvend zgjedhor si ai i partisë së tij.
Në një postim në llogarinë e tij në Facebook, Limaj ka falenderuar socialdemokratët e Nismës.
“Mirënjohje e thellë për të gjithë socialdemokratët e NISMA-së”.
“I falenderoj me respekt të gjithë delegatët e NISMA për Kosovën, që morën pjesë në Kuvendin e parë Zgjedhor, e që në fakt ishte një Kuvend model që i mungonte skenës sonë politike. Ky Kuvend na dha të gjithëve një arsye më shumë për të qenë krenarë për Nismën”.
“Falënderim nga zemra për të gjithë delegatët që përfaqësonin zërin e mijëra anëtarëve dhe simpatizantëve të Nismës, e të cilët më dhanë besimin e tyre për kryetar të NISMA për Kosovën”.
“Për mua është një arsye më shumë për t’i shërbyer me shpirt familjes sonë socialdemokrate, me ndershmëri, përkushtim e dinjitet”, ka shkruar Limaj.