Gjykata Themelore e Prizrenit, Departamenti i Përgjithshëm, ia ka shqiptuar dënimin të akuzuarit N. Fetahaj nga Gjakova, prej katër viteve burgim efektiv si dhe dënimin me gjobë në shumën prej 500 (pesëqind) eurove.
Dënimi iu shqiptua të akuzuarit N. Fetahaj pasi u shpall fajtor, për veprën penale vjedhje e rëndë.
“I akuzuari me datën 25.02.2015 rreth orës 15:30 minuta në Prizren, në rrugën ”Zahir Pajaziti”, me qëllim të përvetësimit të kundërligjshëm për vete apo personin tjetër, merr pasurinë e luajtshme të dëmtuarës I. SH. – zingjirin e arit, në atë mënyrë që duke vepruar në mënyrë të rrezikshme apo të vrazhdë me forcë nga qafa ia merr të njëjtës zinxhirin e arit në vlerë prej 100,00 euro dhe ik nga vendi i ngjarjes”, thotë zëdhënësja e gjykatës Afërdita Kicaj. /PrizrenPress.com/