16.8 C
Prizren
E premte, 29 Mars, 2024

Hamiti: Tërnava s’ka të drejtë të rikandidojë

XhabirHamiti-bikKryetari i Kuvendit të Bashkisë Islame të Kosovës, Xhabir Hamiti ka thënë se Myftiu Naim Tërnava nuk ka të drejtë rikandidojë për kryetar të këtij institucioni. Sipas Hamitit, myftiut Tërnava një gjë të tillë nuk ia lejon Kushtetuta e BIK-ut.

“Mandati i kryetarit të tanishëm përfundon sipas kontratës që ka më 18.10.2013. I njëjti nuk ka të drejtë rikandidimi për postin e tretë, në bazë të nenit 49, paragrafi i dytë i Kushtetutës së BIK-ut, në të cilin thuhet se: ‘Kryetar i Kryesisë nuk mund të jetë i njëjti person më shumë se dy mandate’”, ka deklaruar Hamiti në intervistën për “Epokën e re”.

Hamiti ka thënë se nuk do t’i ikë kandidaturës për kryetar të BIK-ut. Ai ka thënë se BIK-u ka nevojë të riorganizohet dhe të shkëputet nga mentaliteti i vjetër. “Është absurde që në shekullin XXI, në Kushtetutën e BIK-ut, ende të figurojë neni 44, paragrafi dy, në të cilin thuhet se gjysma e anëtarëve të kryesisë mund të jenë me shkollë të mesme!”, është shprehur Hamiti.

Kryetari i Kuvendit të BIK-ut ka folur edhe për aktivitetet e këtij institucioni gjatë muajit të shenjtë të Ramazanit. Ai ka thënë se gjatë këtij muaji BIK-u ka bërë përpjekje t’u dalë në ndihmë skamnorëve. Hamiti, me rastin e përfundimit të muajit të Ramazanit, i ka uruar të gjithë besimtarët myslimanë shqiptarë për agjërimin dhe festën e Fitër Bajramit.

Më Shumë

Masakra në Krushë të Madhe nga forcat serbe, i mbijetuari Elshani rrëfen se çfarë ndodhi para 25 vitesh

I mbijetuari i masakrës në Krushë të Madhe, Selami Elshani ka rrëfyer në detaje atë se çfarë ndodhi para 25 vitesh në masakrën që...

Presidentja Osmani përkujton 46 anëtarët e familjes Berisha që u masakruan 25 vjet më parë

Presidentja e Kosovës, Vjosa Osmani, ka përkujtuar 46 anëtarët e familjes Berisha të cilët u masakruan në pragun e shtëpisë së tyre në Suharekë,...

Lajmet e Fundit