Ministri i Infrastrukturës, Pal Lekaj përmes një postimi në facebook ka bërë të ditur se rruga për Restelicë, Dragash, se pas ndërhyrjes nga kompania e mirëmbajtjes tani njëra korësi është e hapur për lëvizje të makinave dhe qytetarëve.
“Rruga për Restelicë, Dragash, sot në orët e mëngjesit ka patur erodime dhe rrëshqitje të gurëve dhe dheut dhe rrjedhimisht ka qenë e bllokuar totalisht.
Informatat e këtyre momenteve nga terreni janë që pasë ndërhyrjes nga kompania e mirëmbajtjes, tani njëra korësi është e hapur për lëvizje të makinave dhe qytetarëve. Kujdesi duhet të jetë i shtuar gjatë lëvizjeve sepse mundësia për tu përsërit situata e njëjtë është e madhe” ka shkruar Lekaj.
Lekaj po ashtu tha se kompania është në detyrë dhe po bënë çdo gjë që është e mundur që të pastrohet komplet zona dhe të lirohet rruga në tërësi./TV Prizreni/