Lideri i Aleancës për Ardhmërinë e Kosovës, Ramush Haradinaj, ka folur sot në tryezën e OJQ-së FOL për situatën poltike në vend.
Ai, ka thënë se është pak kohë e ndijshme për të folur.
“Përvjetori i pavarësisë ka dy pamje. Mirënjohja për ata që bënë për këtë vend, pastaj protesta e atyre që janë të shqetësuar. Janë dy marrëveshjet që bashkuan opozitën për të kundërshtuar këtë qeverisje. Ne e duam Republikën”.
“Në takim me Presidenten nuk kam pritur të gjej ndonjë zgjidhje. Në këtë takim nuk gjeta gatishmëri nga Mustafa dhe Thaçi që të reflektojnë për kërkesat tona. Ata e quajtën kauzën tonë kauzë false”.
“Opozita nuk ka luftuar për zgjedhje, po ato janë zgjidhja”, ka theksuar Haradinaj.
Ai, po ashtu, ka pohuar se nuk është i gatshëm të kthehet në një takim të tillë “jofrytdhënës”.
Ramush Haradinaj, po ashtu, kundërshton fuqimisht zgjidhjen e Presidenti në sallën e alternative të Kuvendit të Kosovës.
“Nëse Thaçi zgjidhet President në një sallë alternative, pasojat dhe kundërshtimi do të jenë më të mëdha”, ka thënë ai.