13.8 C
Prizren
E enjte, 28 Mars, 2024

Hartimi i Statutit të Asociacionit pas përgjigjes së Gjykatës Kushtetuese

Zëvendësministri i Administrimit të Pushtetit Lokal, Bajram Gecaj, ka mohuar mundësinë qe procedurat e hartimit të Statutit të Asociacionit të Komunave me shumicë serbe të fillojnë derisa të mos merret përgjigje nga ana e Gjykatës Kushtetuese të Republikës së Kosovës.

I pyetur nga Telegrafi lidhur me disa deklarata të botuara në mediat serbe, sipas të cilave, ka filluar shkrimi i statutit të Asociacionit, Gecaj ka thënë se një gjë tillë nuk mund të ndodhë.

“Në bazë të marrëveshjes së arritur më 25 gusht, fillimisht Qeveria e Republikës së Kosovës është duke punuar në hartimin e udhëzimit administrativ të Qeverisë i cili do t’i dërgohet Gjykatës Kushtetuese për shqyrtim. Pra, procedurat e hartimit të Statutit të Asociacionit të Komunave me shumicë serbe nuk mund të fillojnë derisa të mos kemi përgjigje nga ana e Gjykatës Kushtetuese. Posa të pranojmë një përgjigje të tillë, në bashkëpunim me Bashkimin Evropian, duhet të merremi vesh për Grupin Menaxhues, i cili do të paraqes draftin e parë të Statutit. Në grup do të përfshihen më shumë përfaqësues vendorë të komunave, porse nuk mund të jenë ata të cilët kanë qenë më parë, por që tani nuk ushtrojnë pozita në pushtetin lokal. Ekipi do të duhej të punonte ngushtë me përfaqësuesit e Qeverisë së Republikës së Kosovës, dhe kohë pas kohe do të nevojiten edhe konsulta me Bashkimin Evropian, duke marrë parasysh rolin e tyre lehtësues në gjithë këtë proces”, deklaroi zëvendësministri Bajram Gecaj, për Telegrafin.

Më Shumë

MAPL-ja ndan mbi 8 milionë euro për 11 komuna

Ministri i Administrimit dhe Pushtetit Lokal (MAPL), Elbert Krasniqi, ka bërë me dije se janë ndarë 8 milionë euro në 11 komuna të Kosovës. Në...

Pas 26 vjetësh zbuluan se nuk kishte vdekur, stërnipi i Isa Boletinit tregon si i shpëtoi ekzekutimit nipi 19 vjeçar

Gazmend Boletini, stërnipi i Isa Boletinit, foli në detaje rreth historisë së familjes së tij, kryesisht për pasardhësit e kësaj familje. Ai zbuloi në ndër...

Lajmet e Fundit