Ish-kandidati i LDK-së për kryetar të Prizrenit, Hatim Baxhaku ka pranuar të marrë postin e nënkryetarit të Komunës, nëse finalizohet koalicioni me Vetëvendosjen.
Ndonëse fillimisht e kishe refuzuar, ai ka thënë se këtë post do të pranojë për shkak kërkesave të anëtarëve e simpatizantëve të LDK-së.
Kryetari i LDK-së në Prizren, Haxhi Avdyli, tha se Baxhaku ka marrë mbështetje për të marrë këtë post edhe nga anëtarët e Kryesisë së Degës.
Është pajtueshmëri e përgjithshëm e LDK-së por edhe e VV-së që Hatim Baxhaku të jetë nënkryetar i Komunës”, tha Avdyli, shkruan PrizrenPress.
Hatim Baxhaku, ka qenë kandidat i LDK-së për kryetar të Prizrenit. Pas humbjes së garës, ai publikisht ka dalur në mbështetje të kandidatit të VV-së, Mytaher Haskuka. /PrizrenPress.com/