Komisioni Europian ka propozuar në Këshillin e Bashkimit Europian dhe Parlamentin Europian heqjen e vizave për qytetarët e Kosovës, duke e transferuar Kosovën në listën pa viza për të hyrë në Zonën Shengen.
Komisioni ka ka konfirmuar se Kosova ka përmbushur kërkesat e udhërrëfyesit për liberalizimin e vizave të saj.
“E di sa e rëndësishme është udhëtimi pa viza për qytetarët e Kosovës dhe jam i kënaqur me progresin e arritur. Shpresoj që Parlamenti Europian dhe Këshilli ta miratojnë propozimin tonë”, ka thënë Komisioneri Dimitris Avramopoulos.