Deputeti i Lidhjes Demokratike të Kosovës (LDK), Avdullah Hoti, ka deklaruar se tash është radha që deputetët të gjejnë mënyrën e zgjidhjes.
Ai në profilin e tij në Facebook, ka shkruar se zgjidhja për të zgjedhur kryetarin e Kuvendit do të ofrohet në seancën e ardhshme.
“Seanca e sotme 61 vota kundër kandidatit të PDK-së, 44 vota për, 11 vota abstenim. Tash është radha që deputetët të gjejnë mënyrën për zgjedhjen e organeve të Kuvendit. Zgjidhjen do ta ofrojmë në seancën e radhës”, ka thënë Hoti.