Zëdhënësi i PDK-së në Prizren, Samir Hoxha ka akuzuar LDK-në se po jep deklarata të pamatura në drejtim të kryetarit të Komunës, Ramadan Muja. “E ndjej për obligim të reagoj ndaj zëdhënësit të LDK-së, i cili pa fije turpi e ndërgjegjeje në momentet në të cilat janë kapluar nga frika e humbjes së radhës, jep deklarata të pamatura dhe fyese për kryetarin aktual dhe të ardhshëm të komunës së Prizrenit, Ramadan Muja”, tha Hoxha. Sipas tij, Ramadan Muja i ka besuar dhe do të vazhdojë t’i besojë organeve të drejtësisë.
“Më duhet t’ia bëjë me dije z. Gashi se kryetari aktual dhe i ardhshëm i Prizrenit Ramadan Muja dhe Partia Demokratike e Kosovës, ju ka besuar dhe vazhdon t’ iu besojë organeve të drejtësisë qofshin ato vendore apo ndërkombëtare dhe në ç’do kohë është treguar i gatshëm të bashkëpunojë me to, sepse ai dhe ne jemi të bindur thellë se asnjëherë në asnjë moment nuk ka punuar në dëm të interesave të qytetarëve të komunës së Prizrenit, por përkundrazi me punët e ndershme dhe investimet që janë bërë është përmisuar dukshëm mirëqenia e qytetareve të komunës sonë”, tha Hoxha.
Sipas tij, për punën që ka bërë Muja qytetarët e Prizrenit i janë mirënjohës qeverisjes aktuale dhe Ramadan Mujës . Kjo do dëshmohet edhe në zgjedhjet lokale të këtij viti. Unë i bëj thirrje zëdhënësit Gashi, që të mos i jep vetës atë drejt dhe luks të tepruar që ta paragjykojë para kohe verdiktin e drejtësisë dhe rezultatet e 3 nëntorit, sepse zhgënjimi i tij dhe i të ricikluarit “Eqa”, do të jetë i thell”, tha Hoxha./PrizrenPress.com/