Drejtoria e Inspektoratit në Prizren ka mbetur pa drejtor. Ish-drejtori Bedri Bytyçi është shkarkuar javën e kaluar bashkë me të tjerët, mirëpo në vend të tij nuk është emëruar askush.
Kryetari i PDK-së në Prizren, Minir Krasniqi, gjatë prezantimit të drejtorëve të rinj, pat premtuar se brenda dy-tri dite, do të emërohet edhe drejtori i ri në Inspektoratit.
“Brenda dy-tri dite do të emërohet edhe drejtori i ri në Drejtorinë e Inspektoratit”,pat premtuar Krasniqi.
Pavarësisht këtij premtimi, kjo drejtori ka mbetur pa drejtor.
Zyrtarët e PDK-së në Prizren nuk kanë pranuar të flasin për këtë çështje.
Ndërkaq, burimet e “PrizrenPress”-it bëjnë të ditur se PDK-ja është në kërkim të gjetjes së emrit për drejtor të kësaj drejtorie.
“ I kemi disa emra,por nuk jemi përcaktuar”, tregon burimi brenda PDK-së në Prizren.
Komuna e Prizrenit javën e kaluar ka emëruar drejtorët e rinj, pas shkarkimit të gjashtë drejtorëve në këtë komunë./PrizrenPress.com/