Drejtoria e Policisë Rajonale në Prizren ka njoftuar se qyteti i Prizrenit, brenda 24 orëve është kapluar nga tri zjarre, në lokacione të ndryshme.
Sipas zyrtarëve policorë thuhet se shpërthimi i zjarreve ka shkaktuar dëme të konsiderueshme materiale.
Rasti i parë ka ndodhur rreth orës 18:40 minuta në marketin “CANI” në rrugën Enver Haradinaj”, ku menjëherë në vendin e ngjarjes kanë arritur zjarrfikësit dhe e kanë shuar zjarrin i cili kishte djegur gjëra ushqimore dhe inventarin e objektit. Vlera e dëmit mbetet e pa përcaktuar ndërsa policët hetues dhe të krim teknikës kanë kryer hetime në vendin e ngjarjes. Shkaku i shpërthimit të zjarrit nuk dihet deri më tani.
Rasti i dytë ka ndodhur rreth orës 20:30 minuta në rrugën “Edit Durham”. Në këtë rast, në një shtëpi banimi është kapluar nga flakët njehsori elektrik. Në vendin e ngjarjes përveç policisë dhe zjarrfikësve kanë qenë të pranishëm edhe Njësiti i KEDS-it, të cilët kanë kryer hetime paraprake.
Ndërsa sot, në orët e para të mëngjesit, ështe raportuar se në rrugën “Sefedin Laçi”, është duke u djegur një shtëpi.
Ngjarja ka ndodhur në orën 06:30, mirëpo raportohet se zjarri nuk ka arritur brenda në shtëpi, përveçse është djegur kulmi i kësaj shtëpie dy kateshm,shkruan express.
Në komunikatën për media, thuhet se në të tri rastet e përmendura, nuk ka të lënduar.