11.8 C
Prizren
E premte, 29 Mars, 2024

Komuna e Mytaher Haskukës humb gjyqin me çerdhen e ‘gylenistëve’

Komuna e Prizrenit ka humbur kontestin gjyqësor me çerdhen “Yllka”, që është pjesë e rrjetit të shkollave të klerikut turk, Fetullah Gylen.

Komuna e Prizrenit ishte palë e paditur në kontestin civil që po zhvillohej sipas padisë së çerdhes “Yllka”.

Kopshti i fëmijëve kishte paditur Komunën e Prizrenit për pengim në posedimin e hapësirës ku gjendet çerdhja, raporton kallxo.com.

Gjykata Themelore e Prizrenit me aktvendim e ka aprovuar padinë dhe është vërtetuar se Komuna e Prizrenit e ka penguar paditësin në posedim faktik të kopshtit, ashtu që më 20 gusht të vitit 2018, me forcë ka tentuar t’i vendosë drynin dhe të mbyllë kopshtin e fëmijëve ”Yllka”.

Me aktvendimin e saj, Gjykata Themelore e ka detyruar Komunën e Prizrenit, që në të ardhmen të përbahen nga pengimi i tillë apo i ngjashëm.

Sipas padisë që e ka paraqitur ”Pedaks” sh.p.k, e njëjta e ka paditur Komunën e Prizrenit sepse më 2 gusht të vitit 2018, nga kryetari i Komunës së Prizrenit, kanë pranuar njoftim për shkëputjen e kontratës dhe kërkesë për lirimin e objektit, e sipas paditësit Komuna e Prizrenit nuk e ka respektuar kontratën e nënshkruar në vitin 2010.

Komuna e Prizrenit nëpërmjet përfaqësuesit të saj avokat Blerim Mazreku ka kundërshtuar padinë, duke theksuar se me datë 2 gusht të vitit 2018 Komuna i ka dërguar paditëses njoftim për shkëputjen e kontratës. Gjithashtu, Komuna pretendon se kishte kërkuar nga paditësja që ta lirojë objektin e kopshtit brenda 16 ditësh.

Përfaqësuesi i Komunës pretendonte se qëllimi i vetëm i padisë ishte që të diskreditohet kryetari i Komunës.

Sipas këtij vendimi të Gjykatës, tashmë kopshti “Yllka” do të vazhdojë posedimin dhe shfrytëzimin e hapësirës pa pengesa nga ana e Komunës së Prizrenit.

Përfaqësuesi i Komunës së Prizrenit ka paralajmëruar që do të paraqes ankesë ndaj këtij vendimi të Gjykatës.

Më Shumë

Selmanaj synon shtrirjen e LDK-së në çdo familje të Prizrenit

Kryetari i Lidhjes Demokratike të Kosovës (LDK) në Prizren, Driton Selmanaj, ka bërë thirrje te të gjithë anëtarët e partisë që të bashkohen për...

Libri i pashkruar i Petro Markos

Nga: Lazër Stani Dy ose tri javë nuk e takova më Petron (Marko) edhe pse dilja pothuajse çdo mbrëmje nga Kafeneja e Gazetarëve. Nuk e...

Dhimbja

Lajmet e Fundit