Ambasadori amerikan, Philip Kosnett, sot ka vizituar kompleksin memorial në Krushë të Madhe.
Selami Hoti, kryetari i fshatiti e njoftoi atë për historinë e 64 personave të zhdukur gjatë luftës së fundit në Kosovë.
Aty Kosnett tha se Shtetet e Bashkuara të Amerikës do të angazhohen në zgjidhjen e kësaj çështje.
“E di që keni marrë shumë premtime andaj nuk dua ta bëjë një të tillë, por Shtetet e Bashkuara të Amerikës do të angazhohen që në bashkëpunim me Serbinë ta zgjidhin çështjen e personave zhdukur gjatë luftës”, ka thënë Kosnett, njofton Klan Kosova.
Më pas në njërën nga kafiteritë e fshatit amerikani dëgjoi historitë e banorëve të Krushës të përjetuara gjatë luftës së fundit.