Kuvendari i VV-së, Arbër Rexhaj është i bindur se PDK-ja në Prizren e ka keqpërdorë pushtetin, fal LDK-së. Sipas tij,ky konstatim tashmë po pranohet edhe nga vetë strukturat e LDK-së.
“Atë që e kemi thënë që moti ne, tash vetë strukturat e LDK-së, po e thonë të njëjtën”, thotë Rexhaj.
Dega e LDK-së në Zhur ka kritikuar sot atë të Prizrenit, për mosangazhim kundër keqpërdorimeve të pushtetit të PDK-së.
“Grupi i këshilltarëve dhe komisionet përkatëse pranë LDK-së në Prizren, duhet të jenë shumë aktiv në luftimin e dukurive negative që po ndodhin në pushtetin komunal të Prizrenit, të kapur nga një grup i caktuar në strukturat komunale, për të cilin pritet që së shpejti të jep verdiktin përfundimtar Gjykata e Apelit”, thuhet në reagimin e LDK-së Dega në Zhur.
Ndërkaq, kuvendari Rexhaj shprehet se këtë që po e thotë LDK-ja në Zhur, vazhdimisht e ka thënë edhe VV-ja.
“Mua po me vije keq, që në Prizren falë LDK-së, kjo PDK, e cila si strukture organizative, edhe si pushtet ka keqpërdorur qytetarin dhe Prizrenin si tërësi. Taksat tona janë abuzuar dhe kanë shkuar në asfalt, në tenderë dhe përfitime personale”.
“Koketimet e LDK-së me të PDK-së kane filet shumë herët”.
“Në seancën e fundit, kur ua përmenda këta asamblistë të LDK-se dhe atyre të LDK-së së pushtetit, reaguan të gjithë njezeri”.
“Për hir qe në Prizren, të ketë njëlloj bashkëpunimi opozitar, megjithatë është mirë që ata që ndiejnë veten opozitar, të vazhdojnë punën që njëherë e përgjithmonë PDK-ja të largohet nga pushteti”./PrizrenPress.com/