Kryesia e Degës së LDK-së në Malishevë ka treguar arsyet e prishjes së koalicionit me Nismën. Sipas këtij subjekti politik, Nisma e ka prishur koalicionin në mënyrë të njëanshme.
Më poshtë komunikata e plotë:
Dega e LDK-së në Malishevë njofton opinionin e gjerë, e në veçanti anëtarsinë se sot pasdite jemi ftuar nga kryetari i komunës Z. Ragip Begaj, njëherit kryetar i NISMA për Kosovën, Dega në Malishevë, jemi informuar për prishjen (shkëputjen) e koalicionit në mënyrë të një anshme.
1. Vlerësojmë se prishja e koalicionit ka ndodhur për shkak të zhvillimeve politike në vend.
2. Konsiderojmë se Komuna e Malishevës nuk ka qenë e anashkaluar nga niveli qendror sepse buxheti për komuna ndahet për kokë banori, kjo do të dëshmohet në investimet kapitale që do të ndodhin në vitin 2016.
3. Dega e LDK-së në Malishevë ka qenë në nivel të bashkëpunimit me partnerin e koalicionit. Ne falenderojmë drejtorët tanë për punën e kryer me sukses gjatë kësaj periudhe bashkëqeverisëse.
4. Marrëveshja nuk është zbatuar nga partneri i koalicionit.