Edhe pse janë parti në koalicion me PDK’në, këshilltarët e LDK’së janë treguar edhe më të ashpër se sa ata të partive opozitare sa i përket parregullsive në Drejtorinë e Arsimit.
Këshilltari Arsim Kastrati në seancën e djeshme të Kuvendit ka thënë se nuk e mbështet raportin gjashtë mujor të DKA’së, ngaqë shumë shkelje që kanë ndodh gjatë kësaj kohe në DKA nuk janë paraqitur në raport. Ia i ka përmendur të gjitha shkeljet radhazi që ka bërë DKA.
Në fjalimin e tij me mbi pesë minuta të gjatë, derisa kryesuesi ia ka ndalur fjalën për shkak të tejkalimit të kohës, ai ka akuzuar Drejtorin e Arsimit, Behar Rama për morinë e shkeljeve, duke thënë se deri më tani arsimi në Kosovë ka qenë i politizuar, ndërkaq me ardhjen e Behar Ramës në krye të Drejtorisë, Arsimi në Rahovec është familjarizuar po ashtu.
Kastrati ia ka përmendur emrat e familjarëve që ka punësuar Rama, duke bërë kështu keqpërdorim të detyrës zyrtare, si dhe ka theksuar faktin që intervistat e DKA’së kanë qenë vetëm formalitet. Kastrati më tutje ka akuzuar Drejtorin për tejkalim të kompetencave ligjore, pasi që ua shpallur vendet e lira të punës disa profesorëve në kundërshtim me udhëzimin administrativ.
Në anën tjetër, pas pyetjeve të këshilltarit, në përgjigjen e tij, drejtori Rama ka pranuar se ka bërë disa shkelje, mirëpo ka thënë se jo të gjitha shkeljet qëndrojnë. Rama ka thënë se nëse vërtetohen të gjitha shkeljet e pretenduara ai do jetë në gjendje të jap edhe dorëheqje.
Në seancë për herë të para ka qenë i pranishëm edhe kryetari i komunës, Idriz Vehapi, i cili përkitazi me çështjen ka thënë se drejtorët janë përgjegjës për punën e tyre, dhe se ai nuk e ka ndërmend të mbroj asnjë drejtor, nëse ata bëjnë shkelje./RahovecPress/