14.8 C
Prizren
E enjte, 28 Mars, 2024

Lëkundje në PDK. E hëna, speciale e Hashim Thaçit!

E hëna, do të jetë një ditë speciale për liderin e Partisë Demokratike të Kosovës, Hashim Thaçi. Nga kjo ditë, do të varet shumë edhe e ardhmja e tij politike. Zotimi që ka marrë para bashkësisë ndërkombëtare, sidomos para amerikanëve për formimin e Gjykatës Speciale, do të ndikojnë shumë edhe në të ardhmen e tij politike.

Edhe pse publikisht nga PDK thanë se i kanë bërë numrat për formimin e Gjykatës Speciale, burime brenda partisë më të madhe në vend thonë se ende asgjë nuk është e sigurt.

“Edhe pse Hashim Thaçi është i bindur se i ka mbledhur votat e mjaftueshme për kalimin e amendamentit kushtetues, i cili do t’i hapte rrugë themelimit të Gjykatës Speciale, ende kjo nuk është 100 % e sigurt. Ka luhatje të sërishme të disa deputetëve”, ka thënë ky burim.

Sipas këtij burimi, deri të hënën mund të ketë lëvizje të sërishme.

“Katër- pesë deputetë në asnjë formë nuk do ta votojnë Specialen, ndërkaq disa të tjerë ende kanë dilema. Asgjë nuk i dihet deri të hënën. Mund të ketë ndryshime”, ka thënë ky burim.

Zyrtarisht askush në PDK nuk ka dashur që të komentoj lëvizjet e mundshme të qëndrimeve të deputetëve për Gjykatën Speciale.

Sidoqoftë, Adem Grabovci, shef i deputetëve të PDK-së edhe dje ka deklaruar se PDK i ka numrat dhe se të hënën do të kaloj amandamenti kushtetues, që i hap rrugës për themelimin e Gjykatës Speciale.

Qeveria e Kosovës, të premten e riprocedoi në Kuvend amendamentin kushtetues. Vetëm pak orë pas këtij vendimi i Qeverisë, u mbledh Kryesia e Kuvendit, e cila pa prezencën e opozitës vendosi që të hënën në ora 10:00 të mbajë seancë, ku do të votohet sërish për Gjykatën Speciale.

Në anën tjetër, partitë opozitare kanë vlerësuar se riprocedimi i amendamentit kushtetues nga ana e Qeverisë, është shkelje e demokracisë në vend dhe e vendimeve të institucionit më të lartë qeverisës në vend- Kuvendit.

Para më shumë se një muaji, Kuvendi i Kosovës kishte dështuar që ta votonte amendamentin kushtetues. Ishin pikërisht 13 deputetë të PDK-së ata që i thanë jo Gjykatës Speciale. /Gazeta Blic/

Më Shumë

Vetaksidentohet një kamion, rruga Carralevë-Duhël e bllokuar

Një person është lënduar në një vetaksident të shkaktuar mëngjesin e sotëm në rrugën Carralevë-Duhël. Lajmin e ka konfirmuar Shaqir Bytyqi, zëdhënësi për media...

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Ndërmarrja “Guraziu” është specializuar në vendosjen e dyerve, laminatit, parketit, kuzhinave dhe dhomave të fjetjes. Pronari, Arton Guraziu, ka një përvojë prej 20 vjetësh. Adresa e...

Dhimbja

Lajmet e Fundit