Kryetari i NISMA për Kosovën, Fatmir Limaj, ka falënderuar pjesëmarrësit e protestës së thirrur nga Vetëvendosje dhe organizata “Thirrjet e Nënave”.
“Mirënjohje për të gjithë qytetarët, anëtarët e simpatizantët e Nismës për pjesëmarrje sot në protestën e organizuar nga VV dhe organizata Thirrjet e Nënave, dhe e përkrahur nga ne, pra Nisma për Kosovën, dhe parti tjera, organizata të shumta jo qeveritare”.
“Kjo pjesëmarrje masive e qytetarëve sot në kryeqytet dëshmon më së miri se sa të pakënaqur dhe të shqetësuar janë njerëzit me këtë qeverisje dhe zhvillimet aktuale politike, ekonomike e sociale në Kosovë”.
“Ftoj edhe njëherë koalicionin qeveritar që t’i merr seriozisht kërkesat e qytetarëve dhe shqetësimet e tyre dhe të mos tentojë që nëpërmjet mediave qeveritare të minimizojë apo t’i ikë shkaqeve të protestës duke tentuar që protestën masive paqësore ta lë nën hijen e një episodi të dhunshëm të një grupi të vogël njerëzish që ndodhi pasi protesta kishte përfunduar e që gjej rastin të dënoj këto veprime të këtij grupi njerëzish”, ka përfunduar Limaj.