13.8 C
Prizren
E enjte, 28 Mars, 2024

Mjekja Drita Kabashi nga Prizreni aderon në Vetëvendosje

Kryetari i Vetëvendosjes, Albin Kurti, ka bërë me dije se Drita Kabashi është bërë anëtarja më e re e kësaj partie.

Kurti nëpërmjet llogarisë se vet në “Facebook” ka shkruar se Kabashi është nga të paktat gjinekologe në Kosovë që trajton gjinekologjinë e fëmijëve si dhe sëmundjet psikosomatike.

Postimi i plotë i Kurtit:

Drita që rikthehet në Kosovë

Drita Kabashi, e cila është nga të paktat gjinekologe në Kosovë që trajton gjinekologjinë e fëmijëve si dhe sëmundjet psikosomatike, tash është anëtare e Lëvizjes Vetëvendosje! E mirëpritëm bashkë me deputetin Salih Zyba.

Ajo ka diplomuar në Fakultetin e Mjekësisë në Universitetin e Beogradit në vitin 1996. Pas studimeve, Drita punoi si mjeke në praktikë në Spitalin e Prizrenit dhe pjesë e shoqatës ‘Nëna Terezë’. Më pas ajo emigroi në Tubingen të Gjermanisë, dhe, aty edhe rikonfirmoi diplomimin e saj në Fakultetin e Mjekësisë në vitin 2001. Drita nga viti 2003 ka qenë pjesë e Spitalit Universitar Gjinekologjik në Tubingen si mjeke në specializim dhe nga viti 2007-2010 bashkëpunëtore shkencore në këtë universitet.

Ajo në vitin 2010 specializoi në fushën e gjinekologjisë dhe obstetrikës dhe menjëherë u emërua si mjeke e lartë në Repartin e Onkologjisë. Në vitin 2012 subspecializoi në fushën e onkologjisë. Drita është bashkëpunëtore e shumë punimeve shkencore.

Nga viti 2013, Drita u rikthye në Kosovë për të ushtruar profesionin e saj këtu. Dhe, tash ajo ka vendosur t’i bashkohet Lëvizjes Vetëvendosje!, e cila është drita që do ta flakë errësirën politike e cila po i ngulfat profesionistët tanë.

Më Shumë

Pas 26 vjetësh zbuluan se nuk kishte vdekur, stërnipi i Isa Boletinit tregon si i shpëtoi ekzekutimit nipi 19 vjeçar

Gazmend Boletini, stërnipi i Isa Boletinit, foli në detaje rreth historisë së familjes së tij, kryesisht për pasardhësit e kësaj familje. Ai zbuloi në ndër...

65 aksidente trafiku për 24 orë në Kosovë

65 aksidente trafiku janë raportuar në polici brenda 24 orëve. 18 nga to me të lënduar, ndërsa 47 me dëme materiale. Gjatë kësaj periudhe janë shqiptuar...

Lajmet e Fundit