Anëtari i LDK-së Ridvan Hoxha vlerëson se në rastin e shkarkimit të drejtorit të Ekonomisë dhe Financave Mehmet Bytyc është zbatuar një standard i dyfishtë. Sipas tij, Muja ka shkarkuar Bytyc pa përfunduar punën me rastin gjykata.
“Në rastin konkret është zbatuar standard i dyfishtë, ngase një kryetar i dënuar për zhvatje të pasurisë publike, siç është Muja e shkarkon drejtorin për “veprim abuziv seksual “ pa vendim gjygjësor, ose së paku hetim zyrtar të formës përfundimtare, pra pa përfunduar procedurat hetimore, ndërsa ai pa marre e turp vazhdon të jetë i pari i Komunës kur ka një vendim të Gjykatës”, thotë Hoxha për “PrizrenPress”.
Hoxha nuk habitet shumë që kryetari Ramadan Muja nuk ka qenë i informuar për rastin “Bytyc”.
“ Pa dashur të futem në komentimin e aktit të papranishëm “ seksual “ të një drejtori të një drejtorije të Ekzekutivit të Prizrenit , sepse si akt – veprim është jomoral, abuziv aq më tepër kur abuzuesi është i veshur me petkun e zyrtarit politik – shtetëror, ajo që është shqetësuese konsiston në atë se Muja nuk ka pasur informacionin në kohë reale për rastin në fjalë”.
“ Kur për një skandal të tillë një kryetar komune nuk e ka informacionin në kohë reale, atëherë rezulton se për shumë skandale të tjera, të cilat ndodhin në ketë komunë ai gjithashtu nuk e ka informacionin konkret në kohë reale,dhe rrjedhimisht nuk e menaxhon Administratën komunale”
“Ai në zyrën e tij qëndron formalisht, sa për të thënë se Komuna ka një kryetar”./PrizrenPress.com/