Kryetari i LDK-së, Isa Mustafa ka shpalosur programin politik në Bresanë të Dragashit. Ai tha se LDK-ja përmes programit të saj, ofron zgjidhjen e shumë problemeve në Kosovë.
“Fokusi ynë mbetet zhvillimi ekonomik i vendit”, ka thënë Mustafa, transmeton TVPZ.
Ai premtoi se LDK-ja me ardhjen në pushtet do të ndryshojë politikat tatimore.
“LDK-ja do të angazhohet në avancimin e shëndetësisë dhe arsimit dhe do të zvogëlojë shpenzimet qeveritare”.
Shefi i Grupit Parlamentar të LDK-së në Kuvendin e Kosovës, Ismet Beqiri, tha se LDK-ja insiston në shpërbërjen e Kuvendit, pas votimit për Gjykatën Speciale dhe vazhdimin e mandatit të EULEX-it.
“Ne kërkojmë që zgjedhjet nacionale të mbahen në javën e parë të qershorit”, tha Beqiri. /PrizrenPress.com/