12.8 C
Prizren
E enjte, 28 Mars, 2024

Naser Berisha akuzon Nexhat Çoçajn për manipulime në punësim

Sot është mbajtur mbledhja e 22-të me radhë e Kuvendit të Prizrenit, ku zakonisht është diskutuar shumëçka, por sipas praktikës pritjet për ndryshime pozitive në favor të qytetarëve vetëm shënohen në letër.

Pas miratimit të rendit të ditës, këshilltarët e pranishëm i’u qasen pikës së pyetjeve dhe përgjigjeve si dhe të parashtrimit të propozimeve, të cilat më së shumti marrin kohë në seancat e organit më të lartë legjislativ në Prizren. Me këtë rast këshilltarët, Arbër Rexhaj dhe Naser Bresa, kanë shprehur shqetësimet e shumë kuvendarëve sepse sipas tyre ata nuk po marrin përgjigje nga drejtoritë të cilave po u parashtrojmë shumë pyetje.

Më pas kuvendari i PDK-së, Alush Shala, propozoi që Prizreni të bëhet me Galeri të Artëve, duke shprehur habinë se pse është vonuar një gjë e tillë në kryeqytetin kulturor të vendit. Në anën tjetër, shefi grupit të kuvendarëve të LVV-së, Artan Abrashi, tha se ky propozim prej kohësh është bërë nga ne, theksoi ai, dhe jemi në pritje të procedurave për fillimin e implementimit të projektit për Galerinë e Arteve në Prizren.

Më pas të pranishmit ka befasur me fjalimin e tij kuvendari i pozitës, Naser Berisha, i cili ka akuzuar zyrtarët e lartë komunal përfshirë më së shumti bashkëpartiakët e tij për abuzime të shumta. Ai me këtë rast ka akuzuar drejtorinë e arsimit për manipulime në punësimin e sekretarëve dhe sekretareshave nëpër institucionet shkollore, duke shtuar se posedon fakte dhe në një nga seancat e radhës ai do t’i bëj publike pretendimet e tija. Në anën tjetër, drejtori i arsimit, Nexhat Çoçaj, tha se akuzat e bashkëpartiakut të tij, Naser Berisha, janë të padrejta, sepse punësimin e sekretarëve nuk e ka barë drejtoria që ai e udhëheq.

Më pas Kuvendi ka diskutuar edhe për pikat që kishin të bënin me shqyrtimin për këmbimin e pronës, ndërsa është aprovuar plani master për menaxhimin e mbeturinave si dhe është diskutuar për Raportin e Auditorit të Përgjithshëm. /Tv Prizreni/

Më Shumë

Në SBASHK shtohen kërkesat për të rikthyer protestat e grevat

Në takimin e rregullt me kryetarët e nivelit komunal dhe të universiteteve që ka organizuar SBASHK-u janë zhvilluar biseda për situatën aktuale në arsim...

Kryetari Latifi shtron iftar në Rahovec për ndër të Ramazanit

Kryetari i Komunës së Rahovecit, Smajl Latifi, njofton se sonte ka shtuar iftar në nderim të muajit të Ramazanit për Këshillin e Bashkësisë Islame...

Lajmet e Fundit