Në Malishevë do të fillojë edhe një fushatë e spërkatjes së zonave të rrezikuara nga rriqrat. Kryetari i Malishevës, Isni Kilaj tha se projekti i spërkatjes do të realizohet nga Ministria e Bujqësisë. “Nga sot, duhet të filloj edhe një fushatë e spërkatjes së zonave endemike, projekt ky që do të realizohet nga Ministria e Bujqësisë,e cila është e angazhuar në luftimin e sëmundjes së etheve hemorragjike, përkatësisht spërkatjen kundër rriqrave, të cilët e bartin virusin e etheve hemorragjike”, tha Kilaj.
Kryetari Kilaj mbledhje e Ekzekutivit të hënën ka diskutuar për një varg çështjes me rëndësi, që kanë të bëjnë me punën e qeverisë komunale, obligimet që kanë dhe mbarëvajtjen e punëve në kryerjen e projekteve që janë duke u realizuar gjatë kësaj periudhe në Komunën e Malishevës.
Ai kërkoi nga drejtoritë përkatëse, që të bëjnë incizime në terren, inspektime dhe vlerësime në kryerjen e disa projekteve që aktualisht janë duke e realizuar, si dhe evidentimin e disa nevojave emergjente në shkollat fillore, para fillimit të procesit mësimor në vitin shkollor 2013-2014.
Në këtë mbledhjen janë diskutuar edhe çështje tjera me rëndësi që kanë të bëjnë me obligimet e përditshme të qeverisë dhe zyrtarëve tjerë komunal.
Kryetar Kilaj, vlerësoi punën e shërbimit të ofiqarisë, gjatë këtij sezoni, kur nevojat për pajisje me dokumentacion, sidomos të mërgimtarëve, janë në numër shumë të madh, por sipas Kryetarit Kilaj, “deri më sot nuk është regjistruar asnjë ankesë nga ana e qytetarëve për kryerjen e këtyre shërbimeve./PrizrenPress.com/