11.8 C
Prizren
E premte, 29 Mars, 2024

Në Prizren përzgjedhet shkolla që do të shndërrohet në ndërtesë ekologjike

 

EC Ma Ndryshe ka nisur zbatimin e projektit “EKO Shkolla”, në kuadër të të cilit kishte hapur thirrjen për përzgjedhjen e një shkolle të mesme publike të qytetit të Prizrenit, e cila do të përfitojë nga programi afatgjatë për edukim mjedisor dhe efiçiencë të energjisë. Të drejtë për të qenë pjesë e kësaj gare kanë pasur të gjitha shkollat e mesme publike të qytetit të Prizrenit. Pas përmbylljes së këtij procesi të aplikimit është mbledhur komisioni për shqyrtimin e aplikacioneve nga shkollat e mesme publike të Prizrenit me ç’rast shkolla “Luciano Motroni” është përzgjedhur si përfituese.

EC në kuadër të projektit “EKO Shkolla” ofron një model dhe metodologji që përdoret gjerësisht në vendet e zhvilluara, por që po zgjerohet me shpejtësi edhe në vendet në zhvillim. Përvojat botërore tregojnë se shkolla ekologjike është një fenomen në rritje, i cili nxit të rinjtë të angazhohen në mjedisin e tyre duke u dhënë atyre mundësinë për ta mbrojtur atë në mënyrë aktive.

Përmes këtij projekti ofrohet mundësia që nxënësit dhe mësimdhënësit e shkollës së përzgjedhur të bëhen pjesë e një programi afatgjatë që përmban trajnime, aktivizëm, zbatim nismash dhe promovim mjedisor. Pjesë shumë e rëndësishme e përfitimit që do të ketë shkolla e përzgjedhur është edhe raporti i vlerësimit të efiçiencës së energjisë dhe udhëzuesit për masat ekologjike që do të realizohen nga eksperti i angazhuar. Në bazë të këtyre vlerësimeve shkolla do të përfitojë intervenime direkte në hapësirën e saj, si një tentim tjetër për ta shndërruar atë në një ndërtesë ekologjike.

Më Shumë

Osmani: Më 24 mars të ’99-ës aleancat e botës demokratike u bënë bashkë për të parandaluar shfarosjen e popullit të Kosovës

Presidentja Vjosa Osmani ka falënderuar aleancën veri-atlantike, NATO-n dhe ushtarët e saj për kontributin që kanë dhënë dhe vazhdojnë të japin për Kosovën. Sot në...

58 aksidente trafiku për 24 orë në Kosovë

58 aksidente trafiku të ndodhura janë raportuar brenda 24 orëve. 15 nga to janë me të lënduar, ndërsa 43 me dëme materiale. Gjatë kësaj periudhe janë...

Lajmet e Fundit