Në Spitalin e Prizrenit, është kryer operacioni i parë me aparatin e ri, Laparaskop.
Operacioni është kryer nga dr. Afrim Avdaj.
“Operacioni i parë është kryer nga ekipi i udhëhequr nga kirurgu, njëherësh drejtori ekzekutiv i spitalit, Prof.ass.dr. Afrim Avdaj”, njofton për “PrizrenPress”, zëdhënësi i Spitalit, Shefajet Berisha,
Ministri i Shëndetësisë, Uran Ismaili ka njoftuar dje se pas 15 viteve, Spitali i Prizrenit është bërë me Laparaskop të ri.
Ai në Facebook ka shkruar se po bëhen investime për shërbimet mjekësore i cili nuk do të kufizohet vetëm në QKUK por në të gjitha Institucionet Publike Shëndetësore.
“Pajisje moderne, ne vlerë prej 60 mijë eurove, për kryerjen e operacioneve me metodat e fundit kirurgjike. Këtë vit kemi ndarë buxhet shtesë për pajisje për këtë spital. Përmirësimin e shërbimeve mjekësore nuk do ta kufizojmë vetëm në QKUK, por do ta shtrijmë në të gjitha Institucionet Publike Shëndetësore”./PrizrenPress.com/