Sot rreth orës 06:00, në magjistralen Prizren-Prishtinë, saktësisht në Qafë të Duhlës ka ndodhur një aksident automobilistik nga pasojat e të cilit një femër e vitlindjes 1973 ka humbur jetën, ndërsa shoferi ka pësuar lëndime të rënda e dy të tjerë kanë pësuar lëndime të lehta trupore.
Sipas hetimeve fillestare dyshohet se aksidenti ka ndodhur në mes të një kamioneti “IVECO” dhe një veture “Mazda”.
Rastin e ka konfirmuar policia rajonale në Prizren. “Ende nuk janë bërë të njohura rrethanat që quan tek aksidenti por vlen të theksohet se është shtuar dukshëm numri i aksidenteve që ndodhin në këtë pjesë të rrugës për çka Njësia e Trafikut Rajaonal të Prizrenit, kohë më parë, ka kërkuar nga autoritet shtetërore që të hetohen shkaqet se përse po ndodhin këto aksidente”, ka bërë të ditur policia e Kosovës.
Drejtoria Rajonale e Policisë në Prizren apelon tek shoferët që duan të përshkojnë këtë rrugë, të kenë vigjilencë maksimale dhe të respektojnë në mënyrë rigoroze rregullat e trafikut.