Derisa thirrjet për t’u votuar Gjykata Speciale vetëm sa vijnë e shtohen, duke u paralajmëruar edhe rreziku në rast të dështimit, opozitarëve nuk ka kush t’ua ndryshojë mendjen.
Ata vazhdojnë ta quajnë të padrejtë për Kosovën dhe popullin themelimin e kësaj gjykate, duke konsideruar se me këtë po shtrembërohet dhe rrënohet lufta e pastër e UÇK-së, raporton KTV.
Opozita jo vetëm që nuk do ta votojnë atë, por nuk përjashton mundësinë edhe për protesta të reja.
Lideri i lëvizjes Vetëvendosje, Visar Ymeri, thotë se duhet fuqizuar sistemi juridik i Kosovës që ta kenë mundësinë t’i trajtojnë të gjitha ato raste apo dyshime që mund të lidhen me ndonjë krim individual.
Por, Ymeri nuk i frikohet as Këshillit të Sigurimit të Kombeve të Bashkuara, sepse, sipas tij, çështja e Gjykatës Speciale del jashtë domenit të këtij institucioni.