9.8 C
Prizren
E premte, 29 Mars, 2024

Partitë angazhojnë kompani për fushatë

Afishet e partivePavarësisht se më 3 nëntor kosovarët do të zgjedhin përfaqësuesit lokalë, partitë politike e kanë marrë seriozisht garën.

Shumica e partive politike kryesore thonë se e kanë ndërmend që të angazhojnë edhe kompani marketingu për t’ua bërë fushatën për zgjedhjet e nëntorit.

Kështu, në PDK, LDK, AAK dhe AKR kanë thënë se do të angazhojnë kompani dhe individë për përgatitjen e fushatës zgjedhore, derisa Vetëvendosje pritet ta organizojë vetë gjithë kampanjën zgjedhore.

Në zgjedhjet e fundit, pothuajse të gjitha subjektet politike patën angazhuar kompani të specializuara në fushën e komunikimit publik për fushatën zgjedhore.

Zyrtarët e PDK’së, të cilët s’kanë dashur t’iu përmendet emri, kanë thënë se do të ndjekin modelin e zgjedhjeve të fundit dhe do të angazhojnë njerëz dhe kompani të dëshmuara në fushën e zgjedhjeve.

Edhe Nënkryetari i LDK’së, Haki Rugova ka thënë se kanë themeluar Shtabin Zgjedhor, por ende nuk kanë vendosur për kompaninë që do t’ua përgatisë zgjedhjet.

Ai ka thënë se në ditët në vazhdim do të vendoset nëse do të angazhojnë kompani vendore ose ndërkombëtare të marrëdhënieve me publikun.

“Ende nuk kemi vendosur se cilën kompani do të angazhojmë. Por, në ditët në vazhdim do të marrim vendim se kush do të na e përgatit fushatën tonë”, ka thënë Rugova, për Gazetën Express.

Edhe në AAK kanë thënë se janë në fazën finale për të marrë një kompani për zgjedhjet lokale.

Anëtari i Kryesisë së AAK’së, Besnik Tahiri ka thënë se ende nuk është vendosur se a do të jetë kompani vendore apo ndërkombëtare.

“AAK në të gjitha fushatat ka bashkëpunuar me kompanitë të ndryshme. Gjithsesi, edhe në këto zgjedhje do të angazhojmë dhe kjo është detyrë e Shtabit Zgjedhor. Besoj se shumë shpejt do të bëhet e ditur për shkak se ne duhet të përgatitet materiali i nevojshëm zgjedhor”, ka thënë Tahiri.

Ai ka treguar se pa përfunduar shorti në KQZ për renditjen e partive politike nuk do të angazhohet as kompania e PR’it.

Ndryshe prej partive tjera, Lëvizja Vetëvendosje ka vendosur përsërit të mos angazhoj asnjë kompani për t’ia përgatitur fushatën.

Zëdhënësi i VV’së, Erzen Vraniqi ka thënë se Vetëvendosje s’ka nevojë të angazhojë kompani, pasi krejt fushatën do ta bëjnë vetë.

“Ne fushatën do ta bëjmë vetë. S’kemi as mjete për me harxhu. Fushata jonë do të jetë modeste dhe nuk do të angazhojmë kompani”, ka thënë Vraniqi, për Gazetën Express.

Ndryshe, zgjedhjet lokale mbahen për herë të parë në krejt Kosovën, derisa partitë politike kanë përzgjedhur njerëzit që i konsiderojnë më të mirët për Kryetarë të komunave.

Gara më e fortë pritet të jetë në Prishtinë, Prizren, Gjilan, Gjakovë, e Viti për shkak se fuqia partive politike nuk dallon shumë njëra prej tjetrës.

Më Shumë

Kurti: Nëse dëshiron opozita e shpërndajmë Kuvendin dhe shkojmë në zgjedhje, qeveria s’ka arsye të rrezohet

Kryeministri i Kosovës, Albin Kurti, ka folur për deklaratën e tij se është i gatshëm që vendi të shkojë në zgjedhje. Kurti ka thënë se...

Greikoci me vetëkontribut ndërtoi objektin e shkollës

“Arsimi është një bimë tejet kryeneçe, e cila nuk gjelbëron e as që lidh kokërr në qoftë se nuk ujitet me lot e...

Dhimbja

Lajmet e Fundit