Tensione në prag të seancës së sotme, paralajmërohen protesta
Kjo parti u shpreh kundër vendimit për “Grupin e Drenicës”
Përveç opozitës, deputetët që pritet të votojnë kundër ndryshimeve kushtetuese për specialen janë: Fadil Demaku, Nait Hasani, Ganimete Musliu, Xhevahire Izmaku dhe deputeti i pavarur Shaip Muja
Koalicioni qeverisës nuk i ka të sigurta votat e seancës së sotme për të kaluar amendamentet për ndryshimin e Kushtetutës sa i takon formimit të Gjykatës Speciale. Zërat kundër kanë filluar të shtohen brenda Grupit parlamentar të PDK-së, kështu që, sipas burimeve të gazetës, janë së paku 5 deputetë nga ky subjekt që mund të votojnë sot kundër themelimit të kësaj gjykate.
Vota kundër pritet të ketë edhe në Grupin parlamentar të LDK-së. Partitë parlamentare sot do të maten nëse do të zhvillohet seanca apo do të shtyhet për një ditë tjetër, pasi edhe shoqatat e dala nga lufta kanë paralajmëruar zhvillimin e protestës kundër kësaj gjykate.
Deputetët që pritet të votojnë kundër ndryshimeve kushtetuese për specialen janë Fadil Demaku, Nait Hasani, Ganimete Musliu, Xhevahire Izmaku, e cila tha se akoma mbetet e papërcaktuar, në mungesë informacionesh se çfarë do të përmbajë ligji që do të propozohet për votim dhe deputeti i pavarur, Shaip Muja./Kosova Sot/