9.8 C
Prizren
E premte, 29 Mars, 2024

Përkujtohet 19 -vjetori i betejës së lavdishme të Jeshkovës

Të dielën është shënuar përvjetori i 19-të i njërës nga betejat më të lavdishme të UÇK-së në komunën e Prizrenit,asaj të Jeshkovës. Aktivitetet në përkujtim të të rënëve , kanë filluar me homazhe në Landovicë ku moren pjesë familjarë të dëshmorëve,veteranë e invalidë të luftës, qytetarë e përfaqësues të institucioneve te ndryshme. Më pas janë vendosur buqeta lulesh në Lapidarin e dëshmorëve, Hajdar Shala dhe Musli Gashi në Atmaxhë, ndërsa në Jeshkovë është vizituar Lapidari i të rënëve dhe varrezat e dëshmorëve.

Kryetari i komunës, Mytaher Haskuka, tha se sot përkujtojmë heroizmin e djemve më të mirë të vendit të cilët u flijuan për Lirinë e Kosovës, ndërsa tha se për të kujtuar lavdinë e UÇK-së dhe krimet serbe, duhet që këtë vit të kryhen punimet në Muzeun Përkujtimor në Landovicë.

Nehat Basha, ish komandant i brigadës 125, pjesë e së cilws ishin edhe dëshmorët e rënë në Betejën e Jeshkovës, i kujton me krenari djemtë e njësisë elitare të UÇK-së, të cilët asnjëherë nuk kursyen asgjë nga vetja atëherë kur ishte më vështirë në beteja të ndryshme me armikun. Ish komandanti i UÇK-së dhe deputeti aktual, Zafir Berisha, tha se Beteja e Jeshkovës tregoi rezistencën dhe pathyeshmërinë e ushtrisë sonë çlirimtare që rezultoi me çlirimin e vendit.

Ndërkaq, Halimja, nëna e njërit ndër dëshmorët e rënë në këtë Betejë, Bashkim Suka, me krenari e kujton të birin e vet, i cili me bashkëluftëtarë të shumtë u flijuan për Lirinë e Kosovës. Në Betejën e Jeshkovës së 11 marsit të vitit 1999 ranë në fushën e nderit 21 dëshmorë, 9 nga të cilët prehen së bashku me taborrin e luftëtarëve të nderit në Landovicë, kurse 11 të tjerë kanë vetëm emër ,por jo edhe një varrë ku mund tw iu bëhen nderimet e ditëve përkujtimore./tvprizreni.com/

Më Shumë

Përurohet Muzeu i masakrës në Krushë të Madhe

Presidentja e Kosovës, Vjosa Osmani ka marr pjesë në përurimin e Muzeut të masakrës së Krushës së Madhe të Rahovecit, raporton Ekonomia Online. Muzeu përmban...

Krasniqi në 25 vjetorin e masakrave në Rahovec: Sot dhe gjithmonë, i kujtojmë me nderim dhe respekt ata që u flijuan për këtë ideal

Kryetari i Partisë Demokratike të Kosovës, Memli Krasniqi ka përkujtuar masakrat në fshatrat e Rahovecit, ku mbeten të vrarë 68 civilë në Fortesë, 75...

Lajmet e Fundit