16.8 C
Prizren
E enjte, 28 Mars, 2024

Pezullohet procedura ndaj të akuzuarit për shpimin e gomave të veturave me qëllim në Rahovec

Gjykata Themelore në Gjakovë, dega në Rahovec, e ka pezulluar procedurën penale ndaj të akuzuarit për asgjësim apo dëmtim të pasurisë, Avdyl Raba.

Në seancën e së premten, gjykatësi Ilir Rashkaj bëri të ditur se ndaj të akuzuarit kishte lëshuar urdhëresë, por nga stacioni policor ishte njoftuar se i njëjti gjendet jashtë shtetit, respektivisht në Suedi, raporton “Betimi për Drejtësi”.

Lidhur me këtë, gjykatësi Rashkaj tha se gjykimi për këtë rast do të mbahet pasi të sigurohet prania e të akuzuarit në gjykatë, për çka do të lëshojë urdhëresë.

Ndryshe, në aktakuzën e Prokurorisë Themelore Gjakovë të ngritur më 23 maj 2016, Avdyl Raba akuzohet se me 17 korrik 2015, rreth orës 23:00, në rrugën “Jaja Danuza” në Rahovec, dëmton dhe bënë të pa përdorshme gomat e veturës të tipit “VË Tauran”, pronë e të dëmtuarit Sefer Mullaliu.

Në aktakuzë thuhet se i akuzuari i kishte shpuar edhe gomat e automjetit të markës “Pezho”, pronë e të dëmtuarit Behar Bajraktari, si dhe gomat e automjetit “Opel Corsa”, pronë e të dëmtuarit Kujtim Thaqi.

Sipas aktakuzës, i akuzuari një veprim të tillë e kishte bërë me qëllimin që të dëmtuarit të mos parkonin në atë rrugë, për çka në aktakuzë thuhet se ka shkaktuar dëm material në shumë të përgjithshme rreth 380 euro. /Betimipërdrejtës

Më Shumë

Kot grindem me hënën

Enver Sulaj Fjalët e shenjta më vijnë si profeci Si magji Si ankth Dhe më lënë pa frymë, pa fjalë. Sonte mori fund vuajtja Fjalët ikën tej reve Ti dridhesh si...

Antidroga me aksion të madh në Prizren dhe Gjakovë, sekuestrohen kokainë e armë

Njësia e Antidrogës së Policisë së Kosovës është duke zhvilluar sot një aksion në rajonin e Prizrenit dhe Gjakovës, raporton Gazeta Sinjali. Mëson se gjatë...

Lajmet e Fundit