Bajram Hasani, anëtari i kryesisë së Nismës për Kosovën, njëherësh kryetar i degës së kësaj partie në Gjilan ka reaguar pas publikimit të një raporti konfidencial i cili tregon ndërhyrjet e politikanëve kosovarë dhe zyrtarëve të EULEX-ii, e në të cilin është treguar se si është tentuar që të rihapen rastet ndaj Fatmir Limajt për t’iu pamundësuar krijimi i partisë së re.
Ai përmes në postimi në rrjetin social Facebook, ka thënë se raporti i Zyrtarëve të lartë të Brukselit mbi punën e EULEX-it, gradualisht, por sigurtë po e ndriçon të vërtetën e prapaskenave të cilat janë luajtur në mënyrë të paskrupullt nga zyrtarë të lartë të PDK-së dhe drejtues të EULEX-it.
“Tek pas ndriçimit të tërsishëm të këtyre lojrave, do të bëhet e ditur për qytetarët e Kosovës se çfarë lufte e pamëshirshme është bërë për të eliminuar nga skena politike kundershtarët që mund të ishin alternativa më e mirë për të zëvendësuar kreun e PDK-së.
EULEX-i me këto skandale na tregoi se drejtsinë duhet të jemi në gjendje si popull ta administrojme vet”, ka shkruar Hasani.
Sipas tij, është koha e fundit që misionet e huaja të shkojnë nga kanë ardhur dhe në asnjë mënyrë nuk duhet të krijohen misione të reja (Gjykata Speciale).