14.8 C
Prizren
E enjte, 28 Mars, 2024

Policia në Prizren gjen armën e fshehur në frigorifer

Nuk ka të ndalur sekuestrimi i armëve ilegale nga Policia e Rajonit të Prizrenit e kështu edhe sot, në dy raste të veçanta janë sekuestruar dy pistoleta.

Policia në Prizren njofton se rasti i parë ka ndodhur rreth orës 01:00 të mesnatës në fshatin Korishë.

Një patrullë policore e cila po patrullonte nëpër rrugët e fshatit e kishte ndaluar një automjet në të cilin ndodheshin dy persona dhe në trastën e pasagjerit, gjatë kontrollit është gjetur dhe sekuestruar një pistoletë e llojit të panjohur me pesë fishekë.

Ndërkaq rasti i dytë ka ndodhur rreth orës 13:00 në rrugën “Shaban Binaku”.

Sipas raporteve hetimore thuhet se një i mitur e kishte rrahur me shkop një të mitur tjetër. Gjatë intervistës me viktimën, hetuesit kanë siguruar informacione se i njëjti posedon një armë ilegale.

Gjatë kontrollit në shtëpinë e të miturit, në frigorifer është gjetur një pistoletë e llojit “Bloë mini mod 2003” e cila është sekuestruar në cilësi të provës materiale.

Për të dy rastet është iniciuar procedura penale ndërsa i dyshuari i parë ndalët në masën e arrestit për 48 orë.

Më Shumë

“Messi i Prizrenit”, talenti që ishte afër transferimit në Manchester City

Në Prizren e thërrasin “Messi”. Shpesherë driblon bukur sikur Leo dhe dhuron magji me të majtën. Ylli Myrtezanin dhe kampionin e botës e lidh një fakt...

Bayern Munichu me kërkesë të fundit për Alphonso Davies

Tani ose kurrë. Siç thuhet në Gjermani, Bayern Munich i ka dhënë Alphonso Davies një javë kohë për të marrë një vendim për të...

Lajmet e Fundit