Ish-ushtruesi i detyrës së kryetarit të Pikës së Lëvizjes Vetëvendosje në Zhur, Rrahim Susuri i është bashkuar LDK-së.
Atij mirëseardhje i ka uruar kuvednari i LDK-së, Behar Begaj.
“Mirë se erdhe në shtëpinë e madhe të vlerave!” uron Begaj
Susuri, vitin e kaluar pati dhënë dorëheqje nga ky subjekt politik.
Ai, në arsyen e dorëheqjes, ka akuzuar kryetarin e Prizrenit, Mytaher Haskukën nuk qëndroi besnik premtimeve të dhëna gjatë fushatës zgjedhore, shkruan “PrizrenPress”.
“Pesë muaj të tëra nuk e pa të udhës as të na takojë”, tha Sususri.
“Komunikimi u ndërpre, u harruam, u anashkaluam deri në përbuzje”.
“Gjatë fushatës na u premtua se Zhuri me Lumën do të ketë përfaqësim në Kabinetin e kryetarit Haskuka, por ky premtim si duket ishte vetëm sa për votë”.
“ Në kabinetin e kryetarit dhe nëpër drejtori u rehatuan “dostat” e tij”.
“Të gjitha këto si duket të dirigjuara nga ai “dosti” kryesor Jeton Jagxhiu, i cili si duket vendosë gjithçka edhe për qeverisjen edhe për koalicionet edhe për punësimet”.
“ Të gjitha këto të miratuara edhe nga kryetari Haskuka”.
“ U harrua Zhuri, u harrua Luma, iu dhanë tanë meritat shoqërisë e iu mohuan aktivistëve e qytetarisë”.
“Katër herë nuk jam pranuar në takime nga stafi i kryetarit. Katër kërkesa të shpërfillura prej tyre”.
“Ndërprerja e komunikimit mes qeverisë komunale dhe Qendrës së Lëvizjes Vetëvendosje! në Prizren si duket është realitet i dhimbshëm. Por më e dhimbshme për mua është shkëputja e marrëdhënieve të qendrës së Lëvizjes Vetëvendosje me aktivistët a Zhurit dhe Lumës! “.
“Unë nuk mund të vazhdojë të jetojë me dhimbje të tilla që të shkaktojnë njerëzit të cilëve u ke besuar dhe u ke ndihmuar në momentet më të vështira”. /PrizrenPress.com/