Prokurorja e Prokurorisë Themelore në Prizren, Ervehe Hoxha, është tërhequr nga aktakuza që i kishte ngritur Drejtorit të Drejtorisë për Arsim në komunën e Prizrenit, Nexhat Çoçaj.
Ajo e ka bërë këtë në seancën e sotme në Gjykatën Themelore në Prizren.
Pas vendimit të prokurores për t’u tërhequr nga akuzat, Gjykata paralajmëroi se do të marrë vendim refuzues ndaj aktakuzës.
Në këtë aktakuzë, Çoçaj akuzohej se nga data 28 shtator 2009 e deri më 03 nëntor 2009, duke shfrytëzuar pozitat si zyrtar komunal, bashkë me dy të tjerë, me dijeni kanë shkelur Ligin e Prokurimit Publik, për t’i krijuar dobi pasurore tjetrit./Kallxo.com/