Kuvendari i LDK-së në Prizren, Qemal Krasniqi ju ka kundërpërgjigjur reagimit të kuvendares së VV-së në Prizren, Drita Millakut. Ai thotë se Millaku po shpif.
Shkrimi i plotë i tij në Facebook
Reagim ndaj shpifjeve të znj. Drita Millaku, anëtare e Kuvendit të Prizrenit, nga VV.
Une, Qemal Krasniqi, anëtar i Kuvendit jam i indinjuar me deklaratat-shpifjet e znj. Drita Millaku, se gjoja unë paskam dhënë donacion për PDK.
Me përgjegjësi të plotë para votuesve të LDK-së, shprehem se nuk kam qenë e as nuk jam donator i PDK.
Është fakt se, në ndërmarrjen time (ndërmarrje familjare) kam pasur partner (aksionar) Bislim Krasniqin, i cili ka qenë aktivist i PDK-së, dhe nuk i jam përzier asnjëherë në menaxhimin e mjeteve të veta, dhe në këtë rast ai paska ndihmuar subjektin e vet, ndërsa unë kam dhënë donacion për subjektin tim, LDK-në. Në këtë rast, znj. Drita Millaku, duhet të dëshmon me fakte se unë kam dhënë këtë donacion. A kam qenë unë personalisht që i kam dorëzuar mjetet, dhe a gjendet ndonjë nënshkrim i imi aty? Po qe se keni këto dëshmi, urdhëroni e jepni. Më vjen keq për këto shpifje tuaja, por le t’ju shërbejnë për “nder”! Përndryshe, për këto shpifje tuaja mund të ballafaqohemi edhe në organet kompetente!
Sa për dijeninë e opinionit, jam financues i rregullt i subjektit tim LDK-së, gjithmonë kur kam mundësi, dhe kjo më bën të ndihem mirë. Po ashtu, kur kam pasur mundësi dhe sa kam mundur të jem i rregullt, kam dhënë donacione edhe për SHHB “Nëna Tereze”, për të cilat posedoj dëshmi! Njerëz të ndryshëm në nevojë, klube sportive (sepse jam adhurues i sportit), shoqëri kulturo-artistike etj. Bile kam edhe shumë mirënjohje për këto donacione. Asnjëherë nuk i kam përmendur dhe më vjen keq që po duhet t’i përmendi, por njerëzit si ju më detyrojnë!
Është edhe një donacion që e kam dhënë dhe që ndoshta juve nuk do t’ju pëlqejë. Kam dhënë donacion edhe për mbrojtjen në Hagë për ish Kryeministrin Haradinaj!
Të gjitha këto donacione që kam dhënë unë, i dëshmoj me një grumbull mirënjohjesh dhe dëftesash, por askund në mesin e tyre nuk kam dëftesë për të cilën ju shpifni! Atë ndoshta mund ta gjeni te “informatorët”! Por, e përsëris, kurrë dhe në asnjë moment Qemajl Krasniqi nuk ka dhënë donacion për ish subjektin tuaj, PDK-në!
Znj. Millaku, unë si aktivist i orëve të para i LDK-së, vij nga një bastion i LDK-së, në të cilin VV ka marrë 7 vota, kurse në mënyrë standarde LDK prin me mbi 60% ( mbi 320 vota ) të votave në fshatin Medvec! Ndoshta kjo është edhe arsyeja e shpifjeve tuaja. A po mendoni se në këtë mënyrë mund të rrisni votën? Më vjen të qesh me axhamillëkun tuaj!