22.8 C
Prizren
E premte, 29 Mars, 2024

QKMF-ja në Prizren merr barna donacion nga Aksioni për Nëna dhe Fëmijë

Në Qendrën Kryesore të Mjekësisë Familjare në Prizren u bë dorëzimi i medikamentit Amoxicilin, donacion ky i bërë i mundshëm përmes bashkëpunimit të suksesshëm dhe të vazhdueshëm në mes të Aksionit për Nëna për Fëmijë dhe organizatës ndërkombëtare AmeriCares.

Sasia e dorëzuar është prej 4,588 kutish të medikamentit në formë donacioni, sasi kjo e cila, sipas njoftimit për media të “Aksionit për Nëna për Fëmijë” do të mbulojë nevojat e QKMF-së deri në vitin 2020.

Amoxicilin është lloj antibiotiku i cili përdoret për trajtimin e një numri të madh të infeksioneve bakteriale. Ky medikament në formë të kapsulave mund të përdoret për infeksione të ndryshme si për fyt, pneumoni, infeksionet e lëkurës, infeksionet e traktit urinar dhe shumë lloje të tjera të infeksioneve.

“Bashkëpunimi me organizatën ndërkombëtare ‘Americares’ po vazhdon të mbuloj nevojat e Qendrave Kryesore të Mjekësisë Familjare në Kosovë. Jemi të lumtur se po fillojmë 2019 mbarë, duke furnizuar Qendrën në Prizren me medikamete të cilat do të ndihmojnë në përmasimin e shërbimeve shëndetësore”, theksoi Ariana Radoniqi, nga Aksioni për Nëna dhe Fëmijë.

Ardhja e Amoxicilinit në Kosovë është bërë e mundur nga ngjarjet bamirëse të mbajtura në vitin 2018 si ‘Let’s Dance’ në Prishtinë, ngjarja ‘Meet Us Halfway’ në New York, SHBA dhe ‘Darka e Diasporës’ në Zvicër.

Më Shumë

Gjendet në humnerë personi që u raportua si i zhdukur në Prevallë

Policia e Kosovës ka njoftuar se është gjetur burri nga Ferizaj, i cili ishte raportuar si i zhdukur dje. Policia ka bërë me dije se...

Latifi në Kavajë mbjell pemën e miqësisë në emër të Komunës së Rahovecit (FOTO)

Kryetari i Komunës së Rahovecit, Smajl Latifi, njofton se me ftesë të kryetarit të Bashkisë së Kavajës, Fisnik Qosja, bashkë me kryetarët e komunave...

Lajmet e Fundit