16.8 C
Prizren
E premte, 29 Mars, 2024

Salustro kundër idesë që Kosova të ketë gjykatë speciale për krime lufte

Salustro-prokurorProkurori i EULEX-it, Maurisio Salustro, është shprehur kundër idesë lidhur me atë se a ka Kosova nevojë për gjykatë speciale apo departament të posaçëm për krime lufte. Qasja në Gjyqësor, sipas Salustros, është shumë e lehtë dhe Kosovës i mjaftojnë këto gjykata dhe departamente që i ka. Të gjitha këto Salustro i tha në debatin, i cili u organizua nga Fondi për të Drejtën Humanitare në Kosovë.

Edhe panelistë të tjerë që morën pjesë në këtë debat, janë shprehur kundër themelimit të gjykatës speciale, por më shumë e kanë përkrahur themelimin e një departamenti. Kryetari i Gjykatës Supreme të Kosovës, Fejzullah Hasani, ka thënë se nëse themelohet kjo gjykatë, Kosovës i duhen shumë kapacitete dhe sipas tij, në atë gjykatë nuk duhet të gjykohen vetëm shqiptarët, por edhe të tjerët, raporton KTV.

Në këtë tryezë ka pasur edhe diskutime të tjera të ekspertëve lidhur me gjykimet për krime lufte, si dhe rolin e tyre në realizimin e të drejtave të viktimave dhe familjeve të tyre.

Më Shumë

Haradinaj: Absurde të gjykohen çlirimtarët e të lihen të lirë kriminelët

Kryetari i Aleancës për Ardhmërinë e Kosovës (AAK), Ramush Haradinaj, ka bërë homazhe në nderim e kujtim të të rënëve në Celinë, Fortesë e...

Biletat për koncertin e Dua Lipës në Kroaci u shitën për 10 minuta

Ylli shqiptaro-britanik i muzikës pop, Dua Lipa do të performojë në Kroaci në qershor, dhe për vetëm disa minuta ka shitur të gjitha biletat...

Lajmet e Fundit