9.8 C
Prizren
E premte, 29 Mars, 2024

SHBA mbledh në takim urgjent Mustafën e Thaçin për Specialen

Zëvendësambasadorja amerikane në Kosovë, Jennifer Bachus ka ftuar në një takim urgjent kryeministrin e Kosovës, Isa Mustafa, dhe zëvendëskryeministrin, Hashim Thaçi.

Top Channel ka mësuar nga burime brenda Qeverisë se, takimi është zhvilluar në kabinetin e kryeministrit Mustafa dhe se ai nuk ka zgjatur shumë. Mësohet gjithashtu se, temë kryesore e takimit ka qenë koordinimi për përshpejtimin e riprocedimit të amendamentit kushtetues për formimin e Gjykatës Speciale.

Diplomatja amerikane në Prishtinë, Jennifer Bachus, e cila aktualisht është duke ushtruar detyrën e ambasadores, pas largimit të Tracey Ann Jacobson dhe në pritje të ambasadorit të ri, mësohet se i ka porositur krerët e koalicionit qeveritar, Isa Mustafa dhe Hashim Thaçi, që të mos humbin kohë dhe të koordinojnë deputetët e koalicionit, që të votojnë Gjykatën Speciale para se Kuvendi të shkojë me pushime.

Top Channel ka kontaktuar me zyrtarë të kabinetit të kryeministrit kosovar, por ata nuk kanë dashur të flasin për takimin urgjent, që i pari i ekzekutivit bashkë me zëvendësin e tij kanë pasur me diplomaten amerikane në Prishtinë.

Më Shumë

Gjini lirohet nga detyra e ushtruesit të detyrës së shefit të repartit të Gjinekologjisë në Prizren

Spitali i Përgjithshëm “Prim.Dr. Daut Mustafa”, në Prizren, ka liruar gjinekologun Sebajdin Gjini nga pozita e ushtruesit të detyrës së shefit të repartit të...

Shtylla rrezikon banorët në Prizren

Për gjashtë vjet rresht, një shtyllë elektrike që është e tej ngarkuar me kabllo po rrezikon banorët e një shtëpie në rrugën "Edit Durham"...

Lajmet e Fundit