13.8 C
Prizren
E enjte, 28 Mars, 2024

Si nisi aksioni i Prokurorisë në Prizren për mishin e prishur?

Emisioni “Drejtësia në Kosovë” kësaj radhe transmetoi hulumtimin ekskluziv për skandalin me mishin e prishur i cili u importua nga vendet e Bashkimit Europian.

Siç tregon hulumtimi, mishi prej 60 tonësh i cili kishte hyrë në tregun e brendshëm ishte i vjetër mbi 12 vite.

Emisioni i sontëm transmetoi pamjet nga nisje e para-hetimeve deri në marrjen e urdhrit për bastisje nga ana e Prokurorisë Themelore të Prizrenit.

Pamjet e transmetuara tregojnë për hapat që ndërmerr kryeprokurori i Prizrenit Admir Shala, i cili personalisht udhëheq aksionin për të bastisur vendet e dyshimta ku ishte raportuar se ka mish të importuar nga jashtë, i cili ishte me afat të skaduar.

Pas marrjes së urdhrave nga ana e kryeprokurorit, hetuesit e policisë dhe inspektorët e Agjencisë së Ushqimit dhe Veterinarisë ia mësyjnë lokacioneve të dyshimta në dy qytete në Rahovec dhe Suharekë.

“Në Kosovë është tentuar të futet një sasi e caktuar e mishit nga Belgjika, importues janë kompani nga Prizreni. Ne këtë lajm e kemi marrë me shqetësim dhe do të ndërmarrim të gjitha veprimet e nevojshme hetimore me qëllim të parandalimit të këtyre dukurive dhe me qëllim që t`i sigurojmë qytetarët që të konsumojnë ushqim të shëndetshëm”, deklaron kryeprokurori i Prizrenit Admir Shala, para se të nisin me operacionin e bastisjeve.

Siç transmetoi “Drejtësia në Kosovë”, provat e para të mbledhura nga hetuesia me në krye kryeprokurorin Admir Shala e bindin gjyqtarin për të miratuar urdhrin për bastisjen e lokacioneve të dyshimta.

:

E

Më Shumë

Kurti pranon nga Nagavci raportin e teksteve të rishikuara për klasat 1-9

Kryeministri Albin Kurti e konsideron thelbësor rishikimin e teksteve shkollore për cilësinë e arsimit dhe edukimit në Kosovë. Këtë deklaratë ai e ka bërë...

Analiza e sigurisë dhe planet për vitin 2024

Mbledhja e radhës e Këshillit Komunal për Siguri në Bashkësi (KKSB) e Komunës së Prizrenit u zhvillua sot në sallën e Kuvendit të Komunës,...

Dhimbja

Lajmet e Fundit