Azbi Gashi, profesori i cili aktualisht gjendet në arrest shtëpiak pasi dyshohet se ka shtënë me armë, është suspenduar nga Drejtoria e Arsimit në Rahovec.
Suspendimi i Gashit është konfirmuar për KALLXO.com nga drejtoresha e arsimit në Rahovec, Vjollca Vuçitërna.
Ajo ka thënë përmes telefonit se profesori Azbi Gashi është suspenduar për afat të pacaktuar derisa të formohet komisioni disiplinor, i cili pritet të merret me rastin e tij.